Peak/Off Peak Rental - 幾時起租最着數

坊間有云最好係夏天租樓因為租盤較多i.e.選擇亦多.  這說法係正確但係我哋想補充:多選擇唔等於平.  好多初到步無業的朋友亦經歷過業主企硬先收十二個月租金先肯租.  內裏原因, 實在租金亦有季節性浮動, 租金回報黃金時間為八月尾到十月中 (吻合開學開工時段, 尤其有大量外地到英國求學或工作深造(secondment/placement/fellowhship)人士.  無論差劣/普通/優質租盤都有香港書展式的競爭.  租金自然谷上去.  業主及中介自然prefer保持八月到十月為租約期滿時間.  你現在明白企硬十二個月的原因.  英國租務踏入十一月開始水靜河飛, 十二月簡直係無市.  係呢兩個月租盤吉咗嘅業主要求會較寬鬆.  租金講價成功機會大.  亦都較容易接受短過十二個月的租約 (換言之佢哋會接受六個月約, for 無業人士即是六個月rather than 十二個月租金 upfront).  因為同你簽十二個月變相下年又面對淡市問題.  如果你夏天交吉業主重上黃金週期佢哋會好開心.  

順帶一提, 一月亦都係租務繁忙期.  傳統上本地人new year looking for a new start.  如果你情形許可下, 你等十一/二月先起租有着數.