Washing machine hygiene 洗衣機衛生問題

BAOJOE 管理物業多年，周不時收到租客投訴洗衣機發霉, 要求業主更換洗衣機! 

實在只有用家可以控制洗衣機嘅衛生問題.  眾所周知霉菌依頼水/濕氣才可滋生.  每次洗衫 washing drum 內濕氣重, 防水膠邊亦可能有小量積水.  想防止霉菌滋生最好抹乾積水, 或最低限度打開洗衣機門及洗潔液糟 (soap drawer) 比時間 washing drum 去風乾.  好多用家洗完衫就刪咗洗衣機門冇比洗衣機去風乾, 久而久之洗衣機內生滿霉菌.  如果一打開洗衣機門霉味攻鼻, 千其唔好置之不理, 以為刪咗機門無霉味就無問題.  大家要明白洗衣機內有霉, 每次洗衫所有衣物有沾上洗衣機內嘅霉菌/孢子機會, 尤其有好多朋友唔係洗完衫就即刻涼衫.  衣服乃貼身之物有霉菌係有害無益. 

市面上有洗衣機嘅清潔劑，呢D清潔劑通常要洗衣機高溫處理(60度以上).  BAOJOE 見過幾個有大量霉菌 (plus limescale) 嘅洗衣機，用清潔劑淸洗後洗衣機排出大量殘餘物導致去水管淤塞，所以一定要小心.  洗淨洗衣機之後，就應記住每次洗完衫打開機門風乾，避免霉菌重生.